என்னைப் பிடிக்கும் என்றவளின் நினைவோடு

மழலை பிடிக்கும் மலர்கள் பிடிக்கும் 
பிடிப்பன உரைக்கின்றாள் பிரியமானவள் 

பிடிக்கும் வண்ணமென்னவோ பிரியமானவளுக்கு என்றேன் 
ஸ்கை ப்ளூ என்கிறாள் அவள் 

அப்படியென்றால் ஆங்கலம் அறியாதவனாய் நான் 
அப்படியென்றால் வான ஊதா லூசு லூசு 

தமிழ் விளக்கம் தந்தவள்-என் 
தலையில் குட்டும் வைக்கிறாள் 
. 
. 
என் தனிமையோடு போட்டிப் போட்டு 
தவழ்ந்து செல்லும் நிலா 

என் கண்ணீரோடு போட்டிப் போட்டு 
கலைந்து செல்லும் மேகங்கள் 

என் அன்பினோடு போட்டிப் போட்டு 
அனைந்து போகும் விண்மீன்கள் 

இவற்றை விடுத்து ரசிக்கின்றேன் 
இப்போதெலாம் என் தனிமையின் வானில் 
"ஸ்கை ப்ளூ"வை 

எல்லாம் விட என்னைப் பிடிக்கும் 
என்றவளின் நினைவோடு...